رسائل سريعـة

ابونا داود لمعى

1- الرسالة الأولى: ماتخافوش
- الخوف خطية.. لما تلاقى نفسك خايف او قلقان، لازم تقدم توبة.. كأنك بتقول له يارب انت مش اد كلامك ومش اد وعودك.. وانت مش عارف بتعمل ايه
- لما تضطرب.. ادخل صلى على طول او اقرأ فى الانجيل.. واوعى تخرج من الصلاة إلا لما نفسيتك تهدأ.

2- الرسالة الثانية: شجعوا بعض
- فى قعداتنا لازم نشجع بعض بدل ما نخوف بعض، لازم نتبادل الرسائل الروحية عشان نكمل بعض "كله للخير – ربنا موجود...."
- الأخرين المعتدلين بياخدوا سلامهم من سلامنا.

3- الرسالة الثالثة: راعوا القدوة "منظرنا كأولاد الله"
- "أولاد الله ظاهرون".. عز الآية دى دلوقتى.. بلاش نسيب فرصة لأحد يتعبنا بسبب لبسنا أو سلوكنا وده مش عن خوف لكن عن حكمة.
- عشان لو حد قال كلمة علينا تبقى غلطته مش غلطتنا..
يعنى لو انت برئ "يابختك": "طوباكم إذا عيروكم وطردوكم وقالوا عليكم كل كلمة شريرة من أجلى كاذبين.. افرحوا وتهللوا لأن أجركم عظيم فى السموات"
لكن لو انت السبب يبقى "ياويلك" : "ويل لمن تأتى منه العثرات"

4- استمروا فى حياتكم الطبيعية وخدمتكم
- عادى جداً مفيش حاجة تقف.. واتعامل زى ما انت متعود تتعامل مع كل الناس
- المحتاج هو المحتاج.. لاننظر أبداً إلى دينه أو جنسه
- اوعى حد يفتكر اننا المفروض ننعزل.. لا.. احنا هنخدم الكل بمحبة ومن غير خوف..
- الخوف ده بيبقى من جوه مش من بره.. أبائنا القديسين كان بيبقى حواليهم نار من بره، وهم مليانين سلام من جوه.. واحنا مفيش حوالينا حاجة ومرعوبين.. ده كلام؟!!